Brand New Banyo

Sa wakas, natupad na ang isa sa aking mga pangarap. Hindi ko na kailangan pa sumulat sa Wish Ko Lang! Simula pa lang nung ginawa ko yung dalawang dingding ginusto ko na magkaroon ng munting banyo ang aking mga manika.

Ang ang nakakatuwa ay makali ang natipid ko. Matagal na ako naghahanap ng bathroom playset sa aking suking tindahan. Dahil wala akong nakita, napilitan ako bumili online. Ito ang mga Barbie playsets ang balak ko bilihin:

Recalled na ang mga 'to

Ang ganda di ba? Mura na (regular price) ang Php700 para sa isang Barbie playset. Naenganyo ako bumili agad dahil Php500 bawat isa ang bentahan online. Nagtext na ako sa tindera nung nakaraang Byernes ng umaga sa Smart number nya. Alas-dos na wala pa reply kaya nagtext ako sa Sun nya.

Tumawag sya sa Sun ko para ipaalam sa akin yung detalye ng delivery. Wala siguro load sa Smart. Hindi tataas sa Php200 yung delivery charge from Pampanga to Cubao via BLTB. Sosyal no? Parang nagpapadala lang ng bigas. Papatak na Php600 bawat playset. Mura pa din kumpara sa toy store.

Gusto ko na sana i-deposit yung pera pambayad para magawa ko agad yung bathroom. Limang oras lang kasi yung delivery via BLTB. Excited na talaga ako. Kaso sarado na ang bangko. Sa Lunes pa pwede magdeposit.

Dumating ang Sabado. May imi-meet kami na friend sa Festival mall. Nauna ako dumating (as usual) kaya window shop muna ako sa mga toy store (as usual). Nanlaki ang aking mga mata sa aking nakita.



Wala pang Php300 yan! Bakit hindi ko pa bibilhin? May nakita din akong home-office playset na ginawa kong next target. Masyado kasing pink. Hanap muna ako sa iba.

Maski yung bathtub lalo na yung vanity masyadong pink. Swerte ko dahil nakakita ako ng blue gift wrapping paper na mukhang tiles. Nilagyan ko din ng isang transparent na bintana para cute. Para libre boso na rin.

The Thinker

Banyo Queen

This is not an aquarium, you psycho!

Leaking Tub

Bumili ako ng mga manika na tig-50 pesos lang. Tinanggalan ko ng ulo para gawin manikin sa tindahan ni Millicent. Yung isa sa manika nakadamit sirena. Yun ang pinasuot ko kay Vernie. Anong say ni Dyesibel sa kanya?

Next project ko, gagawa ako ng isang tindahan. Naalala nyo pa ba si Millicent? Nagtitinda kasi sya ng mga damit. Iniisip ko pa nga pangalan ng tindahan nya. Kailangan ko pa ng ibang props like cash register, clothes hanger atbp. Bahala na!